Set 23

O Servizo Municipal de Educación e Xuventude do Concello da Coruña organiza o programa educativo "Palabras contadas: aprender a falar en público en galego", dirixido a alumnado de 5.º e 6.º de primaria.

A Concellaría de Educación, Deportes e Xuventude do Concello da Coruña organiza o programa educativo “Palabras contadas: aprender a falar en público en galego”, dirixido a alumnado de 5.º e 6.º de primaria.

Para máis información sobre o programa, preme aquí.

Mai 11

Concerto das Letras 2011

Sen clasificar Comentarios desactivados

Mai 11

O galego medra contigo! 2011

Sen clasificar Comentarios desactivados

Campaña

Desde o Servizo de Normalización Lingüística do Concello da Coruña, organizamos máis un ano por estas datas a campaña O galego medra contigo!, este ano dirixida a nenas e a nenos de 5 a 10 anos e ás súas familias. Esta campaña ten como obxectivo intentarlles transmitir ás familias a importancia do valor das palabras ligada coa importancia da transmisión interxeracional da lingua galega.

Dentro desta campaña, contamos con:

  • Tres concertos musicais infantís (Pablo Díaz e a banda Tic-Tac, que estiveron o sábado 30 de abril na praza das Conchiñas; o Grupo Pirilampo, que vai actuar este sábado 7 de maio ás 18.00 h no Campo de Marte; e o Grupo Pesdelán, que estará o sábado 14 de maio ás 18.00 h na praza de Pablo Iglesias).
  • Cinco obradoiros lúdico-musicais a cargo do mariñeiro Ith, Pablo Díaz, Olga Kirk e Álex Fente. Nestes obradoiros, Ith vailles contar a súa historia ás e aos rapaces asistentes e ás familias destes e vai introducir unha actividade musical con cantigas tradicionais sobre os oficios tradicionais que levaban a cabo os nosos avós e avoas: aparecen mariñeiros, serradores, segadores, labradores, arrieiros e canteiros. A través destas cantigas, vanse realizar xogos e coreografías musicais e xestuais. Imos ter obradoiros o venres 6 de maio ás 18.00 h na A.C. Manicómicos (rúa Andrés Gaos, 16, baixo); o sábado 7 ás 12.00 h no Centro Cívico de Labañou; o sábado 7 ás 18.00 h no Centro Cívico de Monelos; o xoves 12 ás 18.00 h en Xacarandaina; e o venres 13 ás 18.00 h no Centro Cívico de Mesoiro.
  • O Concerto das Letras o sábado 14 de maio ás 21.00 h no Parque de Santa Margarida, en que van actuar os grupos Ondas Marthenot, Os Tres Trebóns e Skacha.

As actividades da campaña O galego medra contigo! este ano teñen como fío condutor o mariñeiro Ith, que leva ese nome porque fai referencia a Ith o fillo de Breogán, personaxe lendario moi vinculado coa fundación da cidade da Coruña. Ith é un mariñeiro que percorre todo o mundo e, en cada lugar en que está, apaña palabras e vínculos afectivos. Chega á Coruña entusiasmado pola fermosura dos nomes das puntas do mar como o Boi, a Vaca… e con moitas ganas de aprender todas as palabras galegas. Tal e como se explica no conto de Ith:

Ith, navegante universal, coñecedor de centos de linguas, sabía que as palabras mudaban o vestiario da súa pronuncia en cada lingua e en cada país. Todas as palabras eran irmás con cadanseu acento propio e construían poderosos idiomas con que as diferentes sociedades se entendían, rían e amaban.

Materiais

Ás familias participantes, ímoslles entregar os seguintes materiais para levaren para as súas casas e seguiren traballando a transmisión interxeracional da lingua coas súas fillas e fillos:

  • Un CD coas cancións que se van traballar nos obradoiros.
  • Unha unidade didáctica co conto da historia de Ith e as letras das cancións que se traballaron nos obradoiros.
  • Un xogo deseñado polo artista gráfico coruñés Manel Cráneo. Trátase do xogo do lince, que consiste en fichas con pictogramas e a palabra correspondente a cada debuxo en que imos intentar que se traballe en familia léxico relacionado co mar e coas profesións.
  • Adhesivos
  • Etc.

Programación de actividades

Sábado 30 de abril

12.30 h Espectáculo musical infantil de Pablo Díaz e a banda Tic Tac

Praza das Conchiñas

Entrada sen convite

Mércores 4 de maio

11.00 h Correlingua

Carreira en prol da lingua galega que vai saír do Pavillón dos Deportes de Riazor e rematará na Torre de Hércules

Venres 6 de maio

18.00 h Obradoiro lúdico-musical con Pablo Díaz, Olga Kirk e Álex Fente

A.C. Manicómicos (rúa Andrés Gaos, 16, baixo)

Capacidade limitada: 40 prazas, que se outorgarán por orde de chegada

Dirixido a nenas e nenos de 5 a 10 anos

Entrada sen convite

Sábado 7 de maio

12.00 h Obradoiro lúdico-musical con Pablo Díaz, Olga Kirk e Álex Fente

Centro Cívico de Labañou (perpendicular á rúa Colombia)

Capacidade limitada: 40 prazas

Haberá que recoller os convites, a semana do obradoiro, no propio centro cívico.

Dirixido a nenas e nenos de 5 a 10 anos

18.00 h Obradoiro lúdico-musical con Pablo Díaz, Olga Kirk e Álex Fente

Centro Cívico de Monelos (avda. de Monelos, 2-A)

Capacidade limitada: 40 prazas

Haberá que recoller os convites, a semana do obradoiro, no propio centro cívico.

Dirixido a nenas e nenos de 5 a 10 anos

18:00 h Espectáculo musical-infantil de Pirilampo

Campo de Marte

Entrada sen convite

Xoves 12 de maio

18:00 h Obradoiro lúdico-musical con Pablo Díaz, Olga Kirk e Álex Fente

A.C. Xacarandaina (rúa Historiador Vedía, 3)

Capacidade limitada: 40 prazas, que se outorgarán por orde de chegada

Dirixido a nenas e nenos de 5 a 10 anos

Entrada sen convite

Venres 13 de maio

18.00 h Obradoiro lúdico-musical con Pablo Díaz, Olga Kirk e Álex Fente

Centro Cívico de Mesoiro (rúa Os Ancares, 15)

Capacidade limitada: 40 prazas

Haberá que recoller os convites a semana do obradoiro no propio centro cívico.

Dirixido a nenas e nenos de 5 a 10 anos

Sábado 14 de maio

18.00 h Espectáculo musical infantil de Pesdelán

Praza de Pablo Iglesias

Entrada sen convite

21.00 h Concerto no Parque de Santa Margarida:

-Ondas Marthenot

-Os Tres Trebóns

-Skacha

Entrada sen convite

Nota: todas estas actividades son de balde.

Materiais da campaña que se poden descargar:

-Unidade didáctica

- Programación de actividades


Abr 27

o galego medra contigo!!!

Sen clasificar Comentarios desactivados

Este sábado día 30 imos inaugurar O galego medra contigo! do ano 2011 cun concerto a cargo de Pablo Díaz e a banda Tic-Tac e co noso benquerido mariñeiro irlandés Ith. Non vos podemos adiantar máis información. Só que vai ter lugar ás 12.30 h na praza das Conchiñas e que ficades tooooodas e toooodos convidados!!!

Mar 16

Domingo 20 de marzo:

12:30 h: praza de María Pita: Banda Municipal de Música

A continuación: pasarrúas até o Teatro Rosalía

13:00 h: recital poético-musical no Teatro Rosalía

Máis información do acto

Mar 03

O IES Menéndez Pidal, coa colaboración da Concellaría de Mocidade, Solidariedade e Normalización Lingüística do Concello da Coruña, convoca o I Certame de monólogos cómicos de Boca en Boca.

Toda a información neste enlace.

SUXESTIÓNS PARA ELABORAR O MONÓLOGO

Contempla as imaxes do fotógrafo Raúl Vázquez que se inspiran en ditos e refráns galegos e as suxestións e ideas que propoñen desde o IES Ramón Menéndez Pidal (Zalaeta)

Feb 14

O IES Afonso X O Sabio de Cambre gañou o venres 4 de febreiro o Falamos!, torneo de debate para o alumnado de secundaria e bacharelato da comarca da Coruña.

O Servizo de Normalización Lingüística do Concello da Coruña, coa organización Asociación Sociopedagóxica Galega (AS-PG), convocou unha nova edición do certame de debate en galego Falamos, dirixido ao alumnado de secundaria e bacharelato da comarca da Coruña. Os debates desenvolvéronse este venres, 4 de febreiro, na Escola Técnica de Náutica e Máquinas (campus de Riazor) das 9.00 ás 14.00 h e das 15.45 ás 18.45 h. A final tivo lugar ás 19.00 h.

O principal obxectivo do certame foi por promover a expresividade e argumentación en galego entre a mocidade. Ademais, estes debates, cos que tamén colaboraron Biblos Clube de Lectores e a Universidade da Coruña, perseguen fomentar o uso do galego entre a mocidade, o dominio da lingua e a calidade lingüística; fomentar habilidades como falar en público, aprender a convencer argumentando, promover o respecto e a tolerancia, o traballo en equipo etc.; e valorar a importancia da documentación e investigación antes de defender unha postura determinada.

Participantes

Nesta edición, participaron 6 equipos dos IES Monte das Moas e IES Ramón Menéndez Pidal (A Coruña) e IES Afonso X O Sabio e IES David Buján (Cambre). Os debates deste certame realizáronse en lingua galega e a calidade lingüística dos rapaces e rapazas participantes foi un dos elementos que o xurado tivo en conta, entre outros como a capacidade e diversidade de argumentación, a sincroniación, a expresividade, a calidade do discurso, o manexo de datos con soltura, rigor e claridade etc.

Os premios foron: unha viaxe a Lisboa para as e os compoñentes do equipo gañador, coleccións de libros de Biblos, reprodutores MP4, netbooks etc.

O equipo gañador foi o IES Afonso X O Sabio de Cambre, composto pola profesora Carme Fernández Rodríguez e polos/as alumnos/as Francisco Fernández Huerta, Andrea Patiño Vázquez, Alexandre Estalate Alonso e Diego Pazos Castro.

O premio ao mellor orador gañouno Alexandre Estalate Alonso, tamén do IES Afonso X O Sabio.

Algunhas das imaxes que nos deixou o torneo:





Xan 28

VEREDICTO DO CONCURSO DE DESEÑO DUNHA CAMPAÑA DE PROMOCIÓN DA LINGUA GALEGA EN CENTROS PÚBLICOS DE EDUCACIÓN PRIMARIA DA CIDADE DA CORUÑA

O xurado do Concurso de deseño dunha campaña de promoción da lingua galega en centros públicos de educación primaria da cidade da Coruña, composto polos seguintes membros:

Xoán Costa Casas, presidente da Asociación Socio-Pedagóxica Galega

Paula García Rumbo, profesora colaboradora da Secretaría Xeral de Política Lingüística

Avia González Beira, licenciada en Filoloxía Galega

Nuria Seoane Bouzas, técnica de normalización lingüística do Concello da Coruña,

logo de se reunir o 24 de xaneiro de 2011, acordou outorgar os seguintes premios:

  • CEIP Emilia Pardo Bazán: pola campaña en torno á personaxe de Feirán: 700 euros
  • CEIP San Pedro de Visma: polo deseño dunha radio escolar: 500 euros
  • CEIP María Pita: pola campaña “O noso comedor”: 200 euros

Estas son algunhas das imaxes dese día:





Xan 11

Bases de participación

Xan 11

13 PELIS PARA AS/OS PEQUES

Sen clasificar Comentarios desactivados

Todos os sábados de xaneiro a abril de 2011 ás 18:00 no Museo de Arte Contemporáneo GAS NATURAL FENOSA (MACUF).

Descarga o programa completo das actividades

Dec 29

O mércores 22 de decembro de 2010, ás 18:00 h, tivo lugar no Salón Real do Concello da Coruña, a entrega de premios do Concurso de Cartas de Nadal 2010 convocado pola Concellaría de Mocidade, Solidariedade e Normalización Lingüística.

Neste enlace podes atopar as fotografías do evento.

Dec 22

O mércores 22 de decembro de 2010, ás 18:00 h, terá lugar no Salón Real do Concello da Coruña, a entrega de premios do Concurso de Cartas de Nadal 2010 convocado pola Concellaría de Mocidade, Solidariedade e Normalización Lingüística.

O acto contará coa presenza do Apalpador, que ademais de lles contar aos asistentes a súa historia, entregaralles os agasallos aos nenos e nenas premiados, consistente nun lote de material didáctico.

O xurado do Concurso de Cartas de Nadal 2010  acordou outorgar os seguintes premios:

Na categoría de nenos/as de 1.º  e 2.º de PRIMARIA:

Na categoría de nenos/as de 3.º e 4.º de PRIMARIA:

Todas as cartas elaboradas polos nenos e nenas dos distintos centros educativos da cidade que participaron no concurso estarán expostas no Centro Comercial Dolce Vita desde o 21 de decembro de 2010 até o 10 de xaneiro do 2011.

Dec 17

O Servizo de Normalización Lingüística vai desenvolver neste Nadal unha serie de actividades para dar a coñecer o Apalpador entre os pequenos e as pequenas da cidade.

O Apalpador é un personaxe mítico galego que vive nas devesas do Courel e que baixa polo Nadal levarlles os agasallos aos nenos e ás nenas. Ao chegar a noite, entra nos seus cuartos mentres dormen e apálpalles a barriguiña por ver se están mantidos e déixalles, ademais de xoguetes, unha presa de castañas.

As actividades consistirán en obradoiros, xogos e contacontos dirixidos a nenas e nenos entre 4 e 10 anos, ademais da visita en persoa do propio Apalpador. Entre outras cousas, terán a ocasión de elaboraren o seu propio almanaque para o vindeiro ano con debuxos do noso personaxe.

Estas actividades levaranse a cabo:

-o 16 de decembro, na Asociación Cultural Xacarandaina, contra as 18.00 h

-o 23 de decembro, na Asociación de Veciños de Bens, ás 18.00 h

-o 27 de decembro, no Centro Cívico Novo Mesoiro, contra as 17.30 h

-o 28 de decembro, no Centro Cívico Labañou, ás 17.30 h

-o 29 de decembro, no Centro Cívico Castrillón, contra as 17.30 h

-o 30 de decembro, na Asociación de Veciños do Ventorrillo, ás 17:30 h

Dec 01

EXPOSICIÓN: TOPONIMIA GALEGA CASTELANIZADA, na Casa Museo Casares Quiroga, rúa Panadeiras, 12, do 2 ao 31 de decembro

Case tres décadas despois da publicación da Lei de normalización lingüística que recolle que a toponimia de Galicia terá como única forma oficial a galega e que os poderes públicos velarán polo cumprimento desta lei, seguimos observando por toda a xeografía galega centos de indicadores toponímicos, responsabilidade das diferentes administracións, que exhiben aberrantes castelanizacións que perviven desde a etapa predemocrática, de profunda hostilidade coa lingua galega, e realizadas sen o máis mínimo criterio filolóxico. A vixencia a día de hoxe de formas como El Bollo, La Rúa, Villatuje, La Coruña, etc. é unha mostra clara da falta de normalidade que aínda sofre a nosa lingua.

O obxectivo fundamental desta exposición dirixida e coordinada polo Equipo de Normalización Lingüística do IES Rafael Puga Ramón é denunciar a situación de deixadez e abandono por parte das diferentes administracións acerca deste tema, e sensibilizar á cidadanía na loita por conquistar os usos que lle corresponden á nosa lingua.

Esta exposición conta cunha UNIDADE DIDÁCTICA para poder traballar os seus diferentes contidos cos diferentes niveis educativos de secundaria.

Consulta o Programa completo da Actividade.

Visita fotográfica á Exposición.

visita

Nov 29

CONCURSO DE CARTAS DE NADAL

Sen clasificar Comentarios desactivados

Consulta as bases do concurso!

Nov 18

Estrea CD-DVD ABRACADABRAS

Sen clasificar Comentarios desactivados

Out 20

CONCURSO DE DESEÑO

Sen clasificar Comentarios desactivados

Concurso de Deseño dunha Campaña de Promoción da Lingua Galega en Centros Públicos de Educación Primaria.

A Concellería de Normalización Lingüística e a Asociación Socio-Pedagóxica Galega organizan un concurso para a realización, por parte de centros de educación primaria do Concello da Coruña, dunha campaña para desenvolver actividades de normalización e dinamización lingüística nos ditos centros educativos.

Podes descargar as bases completas neste link

Out 08

Programa completo de actividades

Set 17

O luns 20, ás 20.30 h, terá lugar no Teatro Rosalía a entrega de premios do I Certame de Curtas para Rosalía (entrada de balde).

Poderemos gozar da música de Abe Rábade e Guadi Galego e da voz poética de Anxo Angueira.

Set 07

Do 6 ao 8 de setembro está aberto o prazo para se inscribir nos Obradoiros dos Axóuxeres que se van realizar na cidade da Coruña. Nestes obradoiros haberá masaxes infantís, música e cantigas de arrolo tradicionais galegas.

Realizaranse tres obradoiros o mércores 15 de setembro no Centro Cívico de Labañou, un ás 17.00, outro ás 18.00 e outro ás 19.00 h; e dous obradoiros o xoves 16 de setembro no Centro Cívico de Novo Mesoiro, un ás 17.30 e outro ás 18.30 h. As prazas son limitadas, e para se anotar cómpre chamar ao 630 230 338 en horario das 10.00 ás 15.00 h.

http://www.xunta.es/linguagalega/axouxeres