EXPOSICIÓN: TOPONIMIA GALEGA CASTELANIZADA, na Casa Museo Casares Quiroga, rúa Panadeiras, 12, do 2 ao 31 de decembro
Case tres décadas despois da publicación da Lei de normalización lingüística que recolle que a toponimia de Galicia terá como única forma oficial a galega e que os poderes públicos velarán polo cumprimento desta lei, seguimos observando por toda a xeografía galega centos de indicadores toponímicos, responsabilidade das diferentes administracións, que exhiben aberrantes castelanizacións que perviven desde a etapa predemocrática, de profunda hostilidade coa lingua galega, e realizadas sen o máis mínimo criterio filolóxico. A vixencia a día de hoxe de formas como El Bollo, La Rúa, Villatuje, La Coruña, etc. é unha mostra clara da falta de normalidade que aínda sofre a nosa lingua.
O obxectivo fundamental desta exposición dirixida e coordinada polo Equipo de Normalización Lingüística do IES Rafael Puga Ramón é denunciar a situación de deixadez e abandono por parte das diferentes administracións acerca deste tema, e sensibilizar á cidadanía na loita por conquistar os usos que lle corresponden á nosa lingua.
Esta exposición conta cunha UNIDADE DIDÁCTICA para poder traballar os seus diferentes contidos cos diferentes niveis educativos de secundaria.
Consulta o Programa completo da Actividade.
Visita fotográfica á Exposición.
Decembro 2nd, 2010 ás 5:38 p.m.
[...] sobre "Toponimia galega castelanizada", organizada polo Equipo de Normalización Lingüística do IES Puga [...]
Decembro 3rd, 2010 ás 12:01 a.m.
[...] Exposicíón: Toponimia Galega Castelanizada, na Casa Museo Casares Quiroga snlacorunha.blogaliza.org/2010/12/01/exposicion-toponimia-ga… por doceasubio hai 2 segundos [...]
Decembro 14th, 2010 ás 7:50 p.m.
[...] http://snlacorunha.blogaliza.org/2010/12/01/exposicion-toponimia-galega-castelanizada/ [...]
Decembro 20th, 2010 ás 10:47 a.m.
Bonita e necesaria exposición que nos achega a un dos temas máis recorrentes no proceso de normalización lingüística. Parabéns para a Concellaría e moitos máis para a profesora Luísa Diéguez e para o Depto. de Normalización do IES Puga Ramón. Cando estamos nun proceso, que parece non ter fin, de substitución de todos os nosos sinais de identidade non está de máis lembrar as razóns e as causas que non trouxeron á situación presente.